Bitruvirkjun horfin

Vinur minn er jarðeðlisfræðingur og hefur umsjón með rannsóknum sem virkjanir á hitasvæðum byggjast á. Hann er talsmaður slíkra virkjana og hef ég rætt þetta við hann. Mér hefur fundist að háhitasvæði sem nefnd hafa verið til sögunnar séu öll svo falleg að andstæðingar virkjana hafi yfirhöndina.

 Ég ræddi um staði eins og þá sem frægastir eru á hálendinu. Hann hefur haldið því fram að með því að sveigja borunina megi takmarka mjög það svæði sem skemmist og því skaði slíkar virkjanir minna umhverfið en vatnsafls virkjanir.

 

 Ég hef ekki vitað til þess að mikill straumur ferðamanna hafi lagt leið sína að því svæði sem Bitruvirkjun er á.

Ég hef verið talsmaður þess að við göngum í gegnum verndunarumræðuna í eitt skipti fyrir öll. Við þurfum að meta til peninga hvað kostar verndunin og hvað kostar það að vernda ekki. Síðan þurfum við að bæta inn tilfinningalegu mati og reikna síðan heildar summuna þannig að við ákveðum hverju á að fórna og hverju ekki.

 Ef þetta verður ekki gert verða stöðugar deilur.

Bitruvirkjun út af borðinu

Athugasemdir

[Jonas Þórðarson (IP-tala skráð) 20.5.2008 kl. 05:37]

Ef þú veist ekki til þess að mikill ferðamannastraumur er á þetta svæði, af hverju kynniru þér það þá ekki !!!!!!!!!!!!. ÞETTA SVÆÐI ER MIKIÐ NOTAÐ TIL ÚTIVISTAR,PUNKTUR. Látum náttúruperlur í friði, í guðanna bænum, hættið að hjakka alltaf í sama farinu að það séu bara öfgafullir náttúruverndarsinnar sem berjast fyrir verndun náttúrusvæða, ég er að verða hundleiður á þeim áróðri. Sjálfur fer ég þarna oft um á þess að vera náttúruverndarsinni,þetta er svæði sem á að vera óspjallað, ekki bara 1/3 af því, ekki að fela eitthvað á bakvið jarðvegsmanir eða grafa niður eitthvað eins og Hjörleifur Kvaran segir. Og hvers vegna geta menn verið hissa á afstöðu almennings og niðurstöður þess komið "verulega á óvart" mönnum eins og Hjörleifi Kvaran. Ef hlutirnir koma þessu mönnum alltaf á óvart, eru þeir þá yfirhöfuð  í réttu starfi til að geta metið svona hlutlaust. Á maður alltaf að þurfa að vekja athygli á því að fólk í þessu landi vill ekki fá suma hluti yfir sig, að blanda saman virkjunum  og náttúruperlum, og síðan væla þessir  forstjórar orkufyritækjanna yfir því að fólk geti ekki notið þeirra ( þ.e. náttúrunnar og virkjunarbúnaðarins) í sama sjónarhorninu, þetta geti allt farið saman ef að menn gera það með jákvæðu hugarfari. Ég hef seint talist umhverfisverndarsinni en núna held ég að sé bara komið að því að vera það. Farið að hugsa!!!!!!!!

[Helgi Jónsson, 22.5.2008 kl. 01:30]

Það verður því miður aldrei hægt að útkljá þessa verndunarumræðu í eitt skipti fyrir öll. Alltaf þegar eitthvað á að framkvæma koma upp raddir sem hafa eitthvað um málið að segja. Það má ekki snerta þessa þúfu eða þetta tré. Þannig hefur þetta lengst af verið og mun verða um alla framtíð.