Fjármálamarkaðir að hrinja.

 Jörðin hristist á Íslandi. Einhversstaðar kemur upp gos einhvern tíman - hvenær eða hvað vitum við ekki. Norðanverðum Vatnajökli í Upptyppingum eða kemur kvikan upp sunnar - ef til vill í Kötlu. Jarðvísindamenn eru ekki nákvæmir í spám sínum. Ég hef það eftir manni sem er i miklum viðskiptum erlendis og reyndar líka úr fréttum hér heima að einhverjir skjálftar séu í fjármálum heimsins. Eitthvað sem taka þarf verulega alvarlega.

Olíuverð er í hæstum hæðum. Það hlýtur að hafa áhrif. Við munum eftir áhrifum olíukreppunnar á áttunda áratugnum. Hún var tilbúin en engu að síður hafði hún gífurleg áhrif. Ég veit ekki af hverju þessir skjálftar eru í markaðnum en væntingar um olíuverð og hækkun þess hlýtur að hafa þar veruleg áhrif.

Við íslendingar segjum gjarnan - þetta reddast. Við höfum oft verið heppnir. Við færum okkur alltaf nær skjálftasvæðunum - bæði með búsetu og fjárfestingar. Gífurlegar fjárfestingar - skuldbindingar sem gætu haft áhrif hér.

 Það er sagt að Íslenskir útgerðarmenn eigi auðvelt með að aðlaga sig að minnkandi afla. Við Íslendingar erum sveigjanlegir. Hvernig sem fer á fjármálamörkuðum þá komum við út úr því eftir nokkur ár þegar heimurinn hefur rétt úr kútnum, spilin gefin upp á nýtt og nýir hákar farnir að taka mikla áhættu með þjóðarauðinn.

 

Athugasemdir

[Ólafur Þórðarson, 8.8.2007 kl. 03:23]

Skjálfti er ágætis lýsing, því oft eru skjálftar í fréttamönnum og fréttaflutningi. Óttinn við sjálfann óttann virðist aukast við aukna velmegun. Skiljanlega.

Svo er alveg raunhæfur möguleiki að fjármálamarkaðir hrynji. Annað eins hefur nú gerst áður, braskarar töluðu um tröllatrú á markaðnum degi fyrir hrunið haustið 1929. Það greiddi veginn fyrir endurbætur FDR á 4. áratug og var svo sem ekki slæmt (þannig séð) til lengri tíma litið, hér í USA. MIkið ávannst gegn einnarlínusinnum. En braskkórinn hefir verið að naga kerfið á sl. áratugum. Jafnvel gengið svo langt að jafna frelsi mannsins við frelsi markaðarins.

Minni líka á að 1975 var árið sem Víetnam-stríðið endaði. Það voru mikil og neikvæð áhrif sem sá "ósigur" kostaði. Auðvitað er sama ruglið í gangi í dag með Írak, enda var það sem lærðist fyrir löngu (ekki bara á gróða USA gagnvart Bretum í WW2) að stríð er besta braskið. Nema ef það gengur illa. Það er auðvitað kominn tími á stórar breytingar.

[Haraldur Haraldsson, 9.8.2007 kl. 21:23]

Mer dettur i hug að svara þessu núna, þetta mun sannalega vera að gerst sem þu segir Jón/

það virðist allt fara fljótt niður á við núna/þetta er ekki bara svartsyni heldur veruleiki/Kveðja Halli Gamli