Stormur í vatnsglasi.

Hefur ákvæði í stjórnarskrá um sameign á náttúruauðlindum sjávar einhverja merkingu. Á Geir Haarde má skilja að svo sé ekki. Ríkið hefur talið sér heimilt að úthluta þessum heimildum og ákvæðið á ekki að raska því. Það á heldur ekki að raska óbeinum eignarrétti sem kvótaeigendur hafa öðlast á auðlindinni með því að þeim var heimilað að framselja kvótann og veðsetja sem eign sína.

Mörg ákvæði eru í stjórnarskrá sem eru merkingarlaus eða merkingarlítil. Almenningur hefur síðan krafist þess og fengið þann skilning á að þau fái merkingu. Við höfum dæmi úr umræðunni um forseta Íslands. Hann sjálfur hefur jafnvel haldið því fram að ákvæði sem alltaf hafa verið talin vera eingöngu táknræn fái eitthvað gildi. Almenningur vill ekki stjórnarskrá sem það getur ekki skilið. Eftir 20 ár verður þessi kosningaskjálfti Framsóknarflokksins gleymdur. Þá getur svo farið að almenningur fari að gefa ákvæðinu einhverja merkingu sem aldrei var ætlunin að gefa því. Dómstólar verða að dæma eftir vilja löggjafans þ.e. að þetta sé merkingarlaust og gjá myndast milli þeirra og almennings.

Eiga lögfræðingar að ráða spyr almenningur. Geta þeir sagt annað en textinn segir.

Merkingarlaus ákvæði eru skaðleg eins og umræðan um vald forsetans hefur sýnt.

 

 

Formenn stjórnarflokka flytja frumvarp um stjórnarskrárbreytingu

Athugasemdir

[Haraldur Haraldsson, 8.3.2007 kl. 17:30]

Eg vissi þetta, að þessi lendin yrði,semsagt eins og það hefur verið!!!Kvótabrask á brask ofan!!!Ekki er það gæfulegt/Halli Gamli

[Fannar frá Rifi, 8.3.2007 kl. 17:32]

Heyr heyr.

Að loku legg ég til að framsókn verði lögð niður. 

[Fishandchips, 8.3.2007 kl. 21:40]

 

En þú verður að athuga að að þessir prestar eru menntaðir í sálgæslu. Og hverjir eru betri í að leiðbeina okkur. Þetta snýst ekki bara um trú, það er vitleysa. Í þessum tilfellum er lítið verið að þröngva trúnni upp á börnin. Þetta er bara almenn sálgæsla, sem á meira en rétt á sér. En svo eru alltaf til öfgatrúarhópar sem best er að sneiða hjá. Hefur þú einhverntíma hitt lútherskan prest á förnum vegi, sem reynir að heilaþvo þig með trúarkjaftæði?

Bestu kveðjur...

[Ólafur Þórðarson, 9.3.2007 kl. 01:03]

Ef ákvæði í stjórnarskrá eru merkingarlítil, af hverju hefur þessu ekki verið kippt í lag? Of margir dinnerar í Perlunni?

[Egill Rúnar Sigurðsson, 9.3.2007 kl. 04:10]

Sámmála að mestu leyti, sérstaklega hvað merkingarleysið varðar, var einmitt að blogga um þetta sjálfur.  Það er náttúrlega ekki heil brú í þessari vitleysu.