Löggan ræðst á heiðarlega borgara.

 

Ég var mjög hrifinn af því að lögreglan fór að sinna smábrotum á þeim forsendum að lögbrjótar byrja yfirleitt smátt.

Sýnileg lögregla sem passar upp á það að menn pissi ekki utan í annarra manna veggi tel ég mikilvæga.  Það er óskemmtileg fyrir þá sem reka fyrirtæki í miðbænum að hlandlykt taki á móti viðskiptavinum þeirra á morgnanna.

 Nú hefur löggæslubatteríið hins vegar lækka öryggismörk við hraðamælingar. Það finnst mér vægast sagt hneykslanlegt ákvörðun og til þess eins að skemma tilraunir til að bæta ímynd lögreglunnar og þannig minnka líkur á samvinnu heiðarlegra manna við löggæslu.

 Maður var tekinn á 180 km hraða. Dómstóll sýknaði hann vegna þess að ekki var treystandi á mælitækin. Það eru þessi sömu mælitæki sem lögreglan ætlar að nota og auka þannig líkur á því að menn sem ekki hafa brotið af sér séu sektaðir. Margir þeirra leita ekki réttar síns og una ákvörðun lögreglu en blóta í hljóði.

Þó íslenskur dómstóll hafi komist að þeirri niðurstöðu að radarmæling sé ekki nógu nákvæmur mælikvarði þá er hitt víst að hraðamælir í bifreiðum er enn ónákvæmari. Hraðamælir virkar þannig að talinn er snúningur dekkjanna. Þegar bílarnir eru á nýjum dekkjum frá framleiðanda þá er ummál hringsins þ.e. lengd banans þekkt og vitað hversu langt bíllinn fer fyrir hvern hring. Ég er yfirleitt á nýjum eða nýlegum bílum og ek framhjá hraðamælum sem sýna hraða bifreiðar. Ég hef gætt þess að halda jöfnum hraða og þannig fundið hversu miklu munar á hraða bifreiðarinnar skv. hraðamæli og þessum radarmæli. Þar munar u.þ.b. 2-5 km. hraða. Ég hef fengið sömu niðurstöðu með GPS tæki.

Þegar mikið er lagt upp úr því að halda nákvæmum hraða þá helst athyglin á hraðamælum og minnkar athygli á umhverfinu. Þetta er sérstaklega alvarlegt þar sem hraðatakmörkin eru miðuð við 30 km. Þar eru líkur á því að börn hlaupi fyrir bifreið og hættan eykst vegna þess að ökumaður er upptekinn að fylgjast með hraðamæli.

 Ég hef ekið mikið út á landi. Mér hefur fundist að megin hluti bifreiða sé ekið á hraða milli 90-100 km. Þeir sem aka  undir þeim hraða skapa hættu vegna þess að þeir stuðla að framúrakstri. Það er sem sé ekki aðeins hraði sem skiptir máli um öryggið heldur að menn aki á sem jöfnustum hraða. Framúrakstur er líklega það hættulegasta í umferðinni. Hann á eftir að aukast a.m.k. meðan menn venjast þessum nýju reglum.

Ég tel að miklu skynsamlegra hefði verið að lækka hámarkshraða um þessa 5 km. og halda 10 km. öryggismörkum. Þá væri alla vera tryggt að menn væru ekki teknir þegar  mælir bíla þeirra sýnir að þeir séu á löglegum hraða nema um alvarlega bilun sé að ræða.

 Í New York hafa menn náð miklum árangri í að draga úr glæpum. Þeir hafa gert það með samvinnu við heiðarlega borgara. Við ættum að snúa okkur að því að koma á slíkri samvinnu í stað þess að segja heiðarlegum borgurum stríð á hendur.

 

Athugasemdir

[Haraldur Haraldsson, 5.11.2007 kl. 08:23]

Þörf grein og orð i tíma töluð/algjörlega sammála þessu Löggæslan er komin úr böndum með að veiða menn í þessu 5/6 yfir en ekki 10 km sem a´að vera i USA eru það 10 milur/og það betra,Löggæslan kemur alltaf aftan að mönnum!!!!!/Halli Gamli

[Jón Sigurgeirsson , 6.11.2007 kl. 14:02]

Ég er nú alveg stein bit hlessa Halli minn að það skuli ekki vera feiri sammála okkur

[Helgi Jónsson, 17.11.2007 kl. 01:00]

Ég er algerlega sammála þessu Jón. Og svona til fróðleiks þá er það staðreynd að hraðamælar flestra fólksbíla og jeppa sýna allt að 10% of háa tölu miðað við raunhraða. Þetta er einmitt gert til að  draga úr líkum á því að fólk aki of hratt. Þannig að þegar þú keyrir framhjá svona hraðamælingaskilti og sérð það sýna minni hraða en hraðamælir bílsins þá getur þú treyst tölunni á skiltinu.