Drulluklessa í óendanlegum heimi.

Flest erum við trúuð og jafnvel allflest trúum við á orð einstaklings sem sagðist vera sonur Guðs og bjó í Palestínu fyrir um 2000 árum. Hann ku hafa nefnst Jesú.

 

Þegar trú er annars vegar er á oftast bannorð að nefna skynsemi. Sum okkar sem telja sjálfa sig trúa höfum líka efa. Prestar hafa játað það að þeir efist á stundum.

 

Trú mín gerir mér ekki skylt að afneita staðreyndum sem blasa við. Það er til dæmis augljóst að líf þróast.  Það gera hugmyndir líka og vitund okkar um veröldina í kringum okkur. Það er eiginlega galli við boðbera Guðs að þeir koma óskum sjaldan. Líklegra er að þeir nái sjaldan árangri.

 

Við skulum segja að Guð sé til og Jesú hafi verið sendur af þessum Guði til að segja okkur frá tilvist hans.

 

Eftir kenningunni er hann alvitur. Hann hefur því séð fyrir að mannlíf breyttist með tímanum og þekking manna ykist þegar tímar liðu fram. Jafnvel án allrar tengingar við Guð ætti hann að hafa séð það með því að notast við það sem hann sá á þeim tíma. Sagt er að Jesú hafi sýnt einstakar gáfur þegar hann kom 12 ára í musterið.

 

Hefði Jesú sagt bræður og systur af því að hann vissi að eftir 2000 ára félli karlaveldið og konur fengju stöðu manneskja bara rétt eins og karlarnir. Ég veit það nú ekki. Hitt veit ég að hann hefði ekki náð langt með boðskapinn. Það eru mörg dæmi um það að menn sem hafa verið á undan sinni samtíð hafi verið hafnað af samtímanum.

 

Jesú var vel læs og hlýtur að hafa skrifað líka samanber frásöguna um komu hans í musterið (ef sönn er). Hvers vegna ritaði hann ekki boðskap sinn. Það gæti hugsanlega verið vegna þess að hann gat hvorki miðað við samtíma sinn né framtíðina. Skynsemi mín segir mér að það hafi verið ástæða fyrir því ef Jesú var talsmaður og sonur alviturs Guðs. Ef til vill var hún sú að hann vildi ekki að menn tryðu bókstafnum heldur tryðu á kærleiksboðskapinn sem er eilífur.

 

Ef Guð er til og hann skapaði manninn, þá skapaði hann líka skynsemi okkar. Gerði hann það til þess að við afneituðum henni í forheimsku?

 

Það er líka hugsanlegt að við séum agnarsmár partur af örlítilli drulluklessu í óendanlegum heimi og óendanlegum tíma sem höfum af tilviljun þróast í knippi efnaferla sem getur spurt sig spurninga um tilveru sína.

Athugasemdir

[Ari Guðmar Hallgrímsson, 28.10.2007 kl. 14:12]

Er okkar guð (ef til er)ekki sprottinn af sömu rót og aðrir guðir?,það virðist vera sammerkt mannskepnunni,að þurfa að trúa á eitthvað,varla til svo frumstæðir þjóðflokkar að þeir eigi ekki einhverskonar trú,sem við leyfum okkur að kalla hindurvitni,af okkar alkunna kristilega umburðarlyndi.

Ef guð er til hefur hann haft merkilega hægt um sig síðustu 2000 árin,þótt hann tæki viku törn þarna um árið til að koma þessari óreiðu á fót sem við búum í,þá ætti hann að vera búinn að hvíla sig svo að hann geti farið að skipuleggja óreiðuna.

[Ari Guðmar Hallgrímsson, 28.10.2007 kl. 14:14]

Gleymdi að  geta þess ég er mest sammála síðustu málsgreininni,hjá þér

[Þorsteinn Ásgeirsson (Icerock), 28.10.2007 kl. 15:58]

Mín víðsýni nær ekki svona langt, ég lít ekki á trú sem raunvísindi, hvernig væri nú að skoða aðeins Ásatrúna og breyta henni í nútímahorf, og eðlilegum nútímakröfum mannsins, eða eigum við að breyta Búddisma.

Það er hinsvegar nauðsynlegt að hafa skoðun á hlutunum og lata í ljós skoðanir okkar, jafnvel þótt maður eins og ég sé trúlaus. ( kanski ekki djúpt niðri )

En er ekki rétt að lát svo þá sem til þekkja og stunda til að mynda Múhameðstrú breyta ritningum ef þeir vilja.

Eins og til dæmis Lög landsins sem við öll þekkjum misvel og hvernig þau virka og höfum sterka skoðun á ágæti þeirra og virkni, en hver breytir þeim svo að endingu eru það ekki þeir sem kunna fægið og eru sérstaklega til þess valdir og lærðir.

Það er okkur í sjálfsvald sett að mynda nýja trú og trúfélög, við getum haft hana alla í takt við raunvísindi og nútíma lifnað, en væri þá raunvísindatrúin ,, TRÚ"

Er það ólán Kristinnar trúar að vera í rekstri þjóðarinnar?

[Haraldur Haraldsson, 29.10.2007 kl. 11:26]

Þetta eru krafmikklar pælingar hjá er Jón,og það er alltaf hægt að skoða þessa svona ,en á meðan ekkert annað sannast en að þetta hefi gerst,þá höldum við okkur við okkar Barnatrú er það ekki/Vísindin vilja ekki viðurkenna þetta sem við trúum á /en svo er þetta bera/Halli Gamli