Spár sem ekki eiga að rætast.

Vinur minn sem hefur sterkar skoðanir á REI málinu og hefur látið til sín taka, m.a. á blogginu hélt það raunverulega að í því máli fyndist botn. Ég sagði honum að slík undur og stórmerki sæjust aldrei. Menn ræða slík mál fram og til baka af litlu viti og þekkingu en þeim mun meiri tilfinningahita. Yfirleitt væri litið fram hjá aðalatriðunum þ.e. þeim prinsipum sem hafa verið brotin og meira rætt um skyld mál svo sem var það gott eða slæmt að Villi varð að taka pokann sinn.

Við vorum þó vissir um það að Svandís Svavarsdóttir myndi láta hné fylgja kviði. Stjórnmálamenn hafa ráð undir hverju rifi. Buðu henni í bæinn heim og svo ekki söguna meir. Enginn ræðir nú um spurningar Umboðsmanns Alþingis og kæruna til Efta. Mörgum spurningum er ósvarað. Nýr meirihluti hefur tekið við. Hefur nokkur séð breytingu á gang mála? Hefur málið eða hluti þess verið upplýstur.

Allir geta verið sammála um það að hin vatnskennda þekking sem inn í orkuveitunni er þarf að fá þann farveg sem skapar mestan arð fyrir orkuveituna og almenning. Það var barasta ekki það sem hratt þessu máli af stað heldur hitt að það var ekki beitt réttum aðferðum.

Það sem Svandís Svarvarsdóttir þarf að gera nú þegar er að leggja spilin á borðið. Hvað á að rannsaka? Hvernig ætlar ný borgarstjórn að gera betur og hvernig tryggjum við best hagsmuni Reykvíkinga og landsins alls.

Ef hún spilar þetta rétt, upplýsir málið að fullu og tekur réttar ákvarðanir eins og manneskja með hreint borð getur gert þá er það einstækt í slíkri umræðu.

Ég vona að spár mínar um það að enginn ásættanlegur botn fáist í þetta mál eigi ekki eftir að rætast.

Athugasemdir

[Árni Gunnarsson, 22.10.2007 kl. 15:28]

Enginn finnur það sem hann er ráðinn í að finna ekki.

Þetta mál verður þæft í umræðunni þar til allir eru orðnir leiðir á því.

Studdur langri reynslu spái ég því að skammt muni verða þar til annað hitamál samfélagsins tekur við af þessu. Gleymum ekki Grímseyjarferjunni og hversu hratt umræðan um það hefur kólnað.

Niðurstaða málsins:

Yfirlýsing:

"Við höfum farið rækilega yfir þetta mál og úr því sem komið er munum við ekki aðhafast frekar. Við munum auðvitað draga okkar lærdóm af þessum mistökum."

[Þorsteinn Ásgeirsson (Icerock), 22.10.2007 kl. 17:24]

Eins og ég sé hér ofanritað, lítur út fyrir að þið báðir álítið að einu sinni en verði ,,Samviska þjóðarinnar svæfð" !

[Haraldur Haraldsson, 23.10.2007 kl. 08:40]

Við sem á þetta horfum viljum að þessu verði fylgt eftir til að við fáum réttlætinu framfylgt/Halli Gamli