Olíuríkið Ísland

Í góðæri verður umræðan firrt. Náttúruvernd er mikilvæg en umræðan verður að vera byggð á skynsemi. Við getum ekki lifað í þessu landi nema fórna náttúrunni að einhverju leyti. Þannig hefur það verið í þúsund ár. Landið var skógi vaxið milli fjalls og fjöru. Þá var loftslag mun hlýrra og engar kindur til að éta upp eða bæir sem þurfti að kynda með afurðum skóganna. - Svo kólnaði, sauðkindin át upp, eldfjöll og menn brenndu og nú er hér annað tveggja eyðimörk eða gras.

Sumir náttúruverndarsinnar vilja halda því þannig um ókomna tíð. Það verður aldrei svoleiðis. Eldfjöll halda áfram, búskaparhættir breytast og loftslag breytist. Við getum bætt á einum stað en fórnað á örðum.

Þessi orð læt ég falla vegna samtals við mætan blaðamann sem heldur því fram að stjórnmálamenn séu orðnir svo hræddir við náttúruverndarsinna að þeir þori ekki að stuðla að framförum. Ég er svo sem náttúruverndarsinni. Ég er mikill mannlífssinni og af þessu tvennu met ég mannlífið meira. Náttúrvernd á að þjóna manninum en ekki verða trúaratriði.

Umræðan var um olíuna við Öxarfjörð sem nú er gleymd og hélt hann því fram að menn þorðu ekki að rannsaka hvort hún sé þarna í vinnanlegu mæli. Vinur minn sem er jarðeðlisfræðingur heldur því fram að jarðhiti geti haft áhrif á hraða olíumyndunnar. Það sé því mögulegt að olía finnist þó jarðlögin séu frekar ung í olíulegu samhengi.

Þessi blaðamaður segir að hægt sé að selja leyfið og láta útlendinga vinna olíuna og flytja óunna úr landi. Mengun af því verður nánast enginn hér á landi og það verður að vinna olíu einhversstaðar hvort sem er.

 Það kostar lítið að vita - af hverju rannsökum við þetta ekki betur eða er eitthvað í pípunum eins og menn segja gjarnan við þessar aðstæður.

Athugasemdir

[Árni Gunnarsson, 21.10.2007 kl. 11:16]

Þeir eru ótrúlega fáir sem átta sig á því að auðvitað megum við engan tíma missa ef við ætlum að forða næstu kynslóðum frá því að hafa áhyggjur af ónýttum auðlindum. 

[Jón Sigurgeirsson , 21.10.2007 kl. 13:05]

[Þorsteinn Ásgeirsson (Icerock), 21.10.2007 kl. 15:34]

Þú ert með öðrum orðum að segja að umhverfissinnar skaði meira en þeir gera gagn, sennilega er er þetta rétt hjá þér, Ég  ber sterkar tilfinningar til Íslenskrar náttúru og ferðast þar af leiðandi manna mest um landið  til að kynnast því, það er skylda okkar að varðveita séreinkenni landsins og halda landinu eins og náttúran vill hafa það á hverjum tíma. Það er rétt hjá þér að Náttúrvernd á að þjóna manninum, en á ekki að vera trúaratriði.
Kanski eru stjórnmálamenn búnir að átta sig á þessu staðreyndum, þar sem þeir eiga erfitt með að eiga við umhverfissinna og hafa þessvegna ákveðið að selja allar auðlindir þjóðarinnar til einkaaðila.
Þá verður virkjað hérna að vild samkvæmt reglum Evrópusambandsins að uppfylltum reglum.
Það verður þó aldrei svo að Náttúruvendarsinnum verði kennt um ef  virkjun Gullfoss verður að veruleika ? Vegna þess að þeir gengu of  langt  í baráttu sinni  og afleiðinginn varð sú að stjórnvöld  misstu tökin á auðlindum landsins til einkaaðila.

[Árni Gunnarsson, 22.10.2007 kl. 15:35]

Gullfoss!

Er hann ekki bara sirkabát 80 megavött af vatni á leið til sjávar?