Helgi Seljan tekinn í karphúsið.

Helgi Seljan fréttamaður var að sinna eftirlitshlutverki fjömiðla og inna Jónínu Bjartmarz ráðherra um ástæður þess að tilvonandi tengdadóttir hennar hafi fengið hér ríkisborgararétti með allt öðrum hætti en almennir umsækjendur.

Það er skemmst frá því að segja að Jónína skammaði fréttamanninn fyrir dylgjur og hann ætti ekkert með það.

Forseti Íslands hefur einu sinni neitað að undirrita lög. Það voru fjölmiðlalögin á þeirri forsendu að fjölmiðlar væru virkt afl í lýðræðinu þ.e. að þeir veittu spilltum stjórnmála aðhald eins og forseta alsherjarnefndar.

Það er ekki dylgjur að spyrja. Ég veit ekki til þess að Helgi Seljan hafi farið með rangt mál. Alla vega gat Jónína ekki bennt á það. Hann hefur bent á það að afgreiðsla þessa ríkisborgararéttar er fordæma laus. Ragnar Aðalsteinsson hrl. hefur staðfest að hann hafi sótt um ríkisborgarrétt fyrir flóttamenn þar sem miklu mikilvægara hefur verið að veita ríkisborgarrétt en í þessu tilfelli og erlendir menn hafa komið fram sem eru í  raunar ríkisfangs lausir og hafa ekki fengið neina undanþágu.

Þeir alþingismenn sem að þessu stóðu hafa fengið fjölda tækifæra til þess að sýna fram á fordæmi. Skætingur er eina sem ég hef heyrt frá þeim.

Það er ekkert svar að segja: Við ræðum ekki um einstakar afgreiðslur og þetta var allt eðlilegt.

Hvernig væri að þessir háttvirtu menn bentu á fordæmi.

Það að ljúga að fólki að þeir hafi ekki vitað um tengslin er hræðilegt. Konan var skráð á heimili ráðherrans. Það stóð semsagt í  umsókninni að hún væri tengd ráðherranum. Halda menn ef til vill að hún reki gistihús.

Þessir sömu þingmenn stóðu fyrir mjög umdeildum lögum sem komu í veg fyrir að fólk á aldri viðkomandi umsækjanda fengi ríkisborgararétt á grundvelli giftingar. Það er sú regla gildir ekki ef þú þekkir ráðherra.

 Kæri Helgi.

Þú þarft ekki að skammast þín. Þú ert að gegna mikilvægu hlutverki sem er óháð pólitík. Ég vona alla vega að þú hjólir í alla sem eru grunsamlegir um spillingu.  

 

 

 

Athugasemdir

[Sigríður Laufey Einarsdóttir, 7.5.2007 kl. 16:58]

Mér finnst Helgi ekki vera búinn að ná tökum á þessu starfi. Hann getur ekki spurt í reiðtón með hrokafullum hætti eins og hann hefur því miður oft gert. Það er ekki hans sök að öllu leyti. Hann virðist bara vanta þjálfun í að spyrja gagrýninna spurninga með kurteislegum hætti. Þaðan af síður að leyfa ekki fólki að útskýra mál sitt eins og átti sér stða t.d. með Sr. Geir Waage um daginn. Hann vantar þá þjálfun að spyrja án þess fólk fái á tilfinninguna að viðkomandi mál séu skoðanir Helga, m.ö.o. hann verður að vera hlutlægur í framkomu. Skiptir ekki máli hvað skoðanir hann hefur þegar hann kemur fram sem fréttamaður í ríkisfjölmiðli.

Með kveðju.