Hollendingar brjóta herfilega velsæmismörkin.

Fréttin fjallar um það að líkamsræktarstöð í Hollandi leyfi als berum einstaklingum að trimma. Nú verður Hótel Saga að banna öllum Hollendingum að gista. Ef það verður síðan stefna hjá hótelinu að banna alla hópa þar sem eihverjir einstaklingar hafa brotið lög á kynferðissviðinu þá geta þeir ekki einu sinni tekið á móti prestahópi.

Berrassaðir í líkamsrækt

Athugasemdir

[Jón Sigurgeirsson , 5.3.2007 kl. 16:16]

Þær upplýsingar sem ég hef frá þeim sem hingað ætluðu að koma er að þeir hafi ætlað að skemmta sér og tækju þátt í því sem þeir kalla löglega starfsemi í heimalandi sínu. Ég byggi líka á þvi að Hótel Saga dreifir erótískum myndum (eða klámmyndum eftir siðferðilegum standard sem maður setur) til sinna hótlegesta. Það sem ég hneikslast á er hræsni en ég er ekki talsmaður kláms yfir höfuð.

Ég er hins vegar talsmaður frelsis. Kvennfrelsisbaráttan gékk út á það að allar konur færu út á vinnumarkaðinn þegar ég var ungur. Margar jafnréttissinnaðar konur viðurkenna að frelsi kvenna felst líka í frelsinu að fá að vera heimavinnandi. Það er sagt að það sé ákveðinn munur á kynjunum en einstaklingsmunurinn er líklega fimm sinnum meiri en kynjamunurinn. Með frelsi hvers einstaklings til að velja það sem honum hentar óháð kyni þá komum við á móts við einstaklinginn eins og hann er. Ef kona eða karlmaður sér tækifæri í því að láta taka mynd af sér nakinni þá er það hennar réttur að velja slíkt. Þetta vel getur haft sínar skugga hliðar eins og margt í mannlífinu þ.e. að þetta sé ekki hennar val heldur einhvers konar þrælasala. Á því verður að taka.

 Ef störf fyrirsæta eru niðurlæging við konur þá er það vegna siðgæðispostullanna sem ala á því að störfin séu niðurlægjandi. Ef siðgæðisvitund okkar segði að þetta væru virðingarstörf þá gætu þessar konur borið höfuðið hátt. Það er semsagt ekki hátternið sjálft sem er niðurlægjandi heldur viðhorf annarra sem getur valdið þeim einstaklingum sem sitja fyrir sálarkvölum.

 Hvernig lífi lifir þú? Hvaða tekjur hefur þú, hvaða mentun, hvaða drauma og hvaða tækifæri?

Til eru einstaklingar sem sjá ef til vill möguleika á því að sjá sína drauma rætast í gegnum fyrirsætustörf. Ef það sakar engan þá er það allt í lagi mín vegna.

Varðandi ofbeldi og barnaklám þá tel mjög varasamt að tengja saman í hugum manna ofbeldi og kynferðislega hegðun. Þegar ég tala um ofbeldi þá er ég einnig að meina alls kyns niðurlægjandi hegðun. Barnagirnd og allt sem henni tengist er svo sjúkt og andstyggilegt að við verðum að berjast á móti því með öllum ráðum.